Neste ano tan especial a pesares de que as medidas sanitarias nos impediron elaborar un maio artístico colaborativo entre alumnado e profesores, non quixemos faltar á celebración e colocamos na entrada do centro o noso maio 2021.
O noso alumnado de secundaria tamén participou, coma todos os anos, na elaboración das coplas que podedes ler no seguinte enlace:
Unha vez máis o noso centro participou o pasado venres no ciclo de conferencias organizadas pola Biblioteca Municipal de Verín. Desta volta foi o alumnado de 3º de ESO o que asistiu á interesante e amena conferencia do escritor Francisco Narla titulada "Escribir o pasado. Contar historia na narrativa" e na que indicou que para escribir unha boa novela o máis importante é crear unha historia que "enganche" ó lector e non tanto ser rigorosos cos feitos históricos. Tamén sinalou que o segredo do "éxito", como en todos os os oficios, é "traballo, traballo, traballo".
Traxes, zamarras e pistolas... Miguel Losada iniciou o ciclo de conferencias promovidas pola Biblioteca de Verín. O son das súas historias evocou no noso alumnado novas vivencias e abriu recordos gardados que, sen dúbida, espertaron neles o sentimento de pertenza a diferentes culturas que pensaban descoñecer.
