OS BOLECHAS NA TVG

Os Bolechas saltan dos libros ás tardes da TVG, co Xabarín.

Os seis irmáns e a súa mascota, Chispa, creados por Pepe Carreiro, cobrarán vida a partir de mañá.

  A partir de mañá, a Televisión de Galicia emitirá as aventuras dos Bolechas. Será de luns a xoves, nas faixas do almorzo e da merenda, e os sábados pola mañá no programa Xabarín Club, tal como anunciou a directora xerente da Televisión de Galicia, Rosa Vilas, na presentación oficial das novas aventuras da popular familia. A responsable da canle pública galega destacou a 'importante aposta' da TVG para ofrecer 'programación infantil en galego' e salvagardar a lingua propia 'para xeracións futuras'.

Twitter FALARÁ GALEGO

Twitter comezará por fin a falar galego. A rede social anunciou, a través do perfil oficial do seu tradutor, que incorporará dezaseis novas linguas ao seus sistema, entre as que se atopa o galego.

Hai uns días, a etiqueta #férvemeosangue converteuse nun dos temas máis comentados do momento (trending topics), apoios que se sumaron a unha intensa campaña posta en marcha polo usuario @tweet_en_galego para que a rede do paxariño non se esquecese da lingua de Galicia. Parece que Twitter, despois de incluír o eúscaro e o catalán, decidiu escoitar as peticións dos usuarios e darlle a quenda á versión do seu servizo en galego.

O tradutor da rede social pediu axuda, a través do seu blog oficial, a todos aqueles dispostos a colaborar no seu servizo, que deberán inscribirse no Centro de Tradución para axudar na nova versión galega de Twitter. Os interesados deberán entrar na web de inicio do tradutor dende a súa conta de Twitter e escoller o galego como lingua. Ademais do galego, Twitter incorporou outras linguas como o irlandés, o serbio ou o romanés.

A mediados de xuño, miles de usuarios demandaron poderen empregar a ferramenta no idioma de Galicia. A través da etiqueta #TwitterQuereGalego esixiron que se fixera caso do que consideran «unha necesidade e un dereito».

É o teu camiño, é a túa vida...Ponte en marcha!

Benvidos de novo ó curso 2012-2013!

Para este curso o lema da nosa axenda é:  

"É o teu camiño, é a túa vida. Ponte en marcha!

 e o noso obxectivo principal:

                "Descubrir e valorar o tempo pasado, vivir con reponsabilidade o presente para construír o futuro"



Lembrade! Nós enviamos máis de 8ookg

NOTICIA EN LA REGION SOBRE A RECOLLIDA DE TAPÓNS

Benvidos!

Benvidos de novo ó Blog do EDL do Colexio María Inmaculada. Volvemos con algunhas novidades. Seguides tendo un enlace titulado "Traballos dos alumnos". Alí poderedes atopar fotos e traballos realizados por alumnos de ESO nas distintas materias. Ademais tamén publicaremos informacións, fotos e traballos realizados por antigos alumnos. Tamén haberá outro enlace titulado "Galego ESO". Nel poderedes atopar toda a información relacionada coa materia de lingua e literatura galega de 3º e 4º de  ESO (libros de lectura obrigatorios, traballos e datas de entrega, descarga de exercicios, etc...). Por último AQUÍ vos lembro as datas das probas de setembro.

ALBA RODRÍGUEZ (4º ESO B) MELLOR XORNALISTA XUVENIL 2012

 

Alba Rodríguez de 4º ESO B gañou o primeiro premio no concurso da Voz de Galicia ó mellor periodista xuvenil cunha entrevista ó deseñador Roberto Verino. Noraboa! Na foto aparece con Chiqui recollendo o premio da man do conselleiro de Educación.

ÚLTIMOS TAPÓNS PARA AITANA

O venres día 1 de xuño enviamos os últimos tapóns para axudar a Aitana. Foron aproximadamente 300kg que, unidos ós 500kg que xa mandaramos, fan un total de 800kg. Moitas grazas a todos os que colaborastes facendo que esta acción solidaria fora todo un éxito implicando ás vosas familias e veciños. Pero todo isto non sería posible sen o traballo de Noelia, Fani, Nerea, Aris, Álex, Aldara, Paula, Carina e o resto de compañeiros de 4º A de ESO. Unha vez máis, GRAZAS.