Homenaxe a D. Xesús Taboada Chivite
Durante o segundo trimestre o Equipo de Dinamización Lingüística e a biblioteca do noso centro (dentro das
actividades promovidas a través do PLAMBE) quixeron render homenaxe a un dos
personaxes máis relevantes da cultura verinense, pero incomprensiblemente tamén
un dos máis descoñecidos entre o alumnado. Con este motivo organizouse una
exposición na biblioteca e no segundo andar do centro coa colaboración da
Biblioteca Pública Municipal do Concello de Verín.
Ademais os alumnos de 4º de ESO puideron gozar dunha charla explicativa das
exposicións “Cando as cartas eran literatura” e “Na lembranza de D. Xesús” por parte de D. Vicente Rodríguez Justo e de
Dna. Aurora Prieto Tarrío ,director e encargada de préstamo respectivamente, e
dous dos principais artífices dos éxitos que a Biblioteca Municipal está conseguindo a nivel estatal.
“É curioso como ás veces coñecemos máis as persoas célebres alleas á nosa
contorna que as que se sitúan máis preto noso, sen decatarnos de que tamén son
figuras relevantes da nosa cultura.
Sen dúbida ningunha foi música para os oídos dos alumnos de 4º de ESO
coñecer da man de Vicente e Aurora as
crenzas, personalidade, estudos e vivencias; así como as valiosas cartas que
escribía e enviaba aos seus achegados , o ilustre verinés D. Xesús Taboada
Chivite.”
Lucía Rodríguez (4º
ESO)
A nosa directora, Gerarda Fidalgo, entrega o primeiro premio a Aldara e Kira, alumnas de 5º A de EP.
