HOMENAXE
A AGUSTÍN FERNÁNDEZ PAZ
Os alumnos de 3º de
ESO do noso centro, en colaboración co EDL e a Biblioteca Escolar, realizaron
unha homenaxe a un dos escritores máis coñecidos e valorados no ámbito da
literatura infantil e xuvenil, en Galicia e no resto do Estado, que faleceu en
xullo do ano pasado. Foi autor de máis de cincuenta títulos e os seu libros
están traducidos a varias linguas: castelán, catalán, éuscaro, portugués,
coreano, búlgaro, inglés, chinés, árabe, francés e italiano. Os seus libros
obtiveron numerosos premios e gozan do aprecio de milleiros de lectores; Cartas de inverno, superaba xa no ano
2016 os cen mil exemplares vendidos.
Cada alumno escolleu un libro do autor homenaxeado e logo de lelo, fixo un comentario crítico do mesmo; por outro lado a través do traballo cooperativo analizaron a vida e a obra do autor de Vilalba. Poderedes ver unha mostra destes traballos nos corredores do centro e na propia biblioteca. Seguro que despois de ler as valoracións dos compañeiros de 3º de ESO, moitos outros alumnos do Centro vanse animar a descubrir os mundos creados por este magnífico escritor.
Ningún comentario:
Publicar un comentario